ចូរចៀសវាងការរួមភេទតាមរន្ធគូថបើសិនជាអ្នកមិនបានបន្ទោបង់សោះ។ គូសង្សាជាច្រើនបានបញ្ចប់នូវបទពិសោធន៍ដ៏គួរឲ្យខ្ពើមនេះខណៈពេលដែលកំពុងតែសាកល្បងវិធីរួមភេទតាមរន្ធគូថ ព្រោះវានឹងធ្វើឲ្យលេចលាមកមកខាងក្រៅ និងបង្កជាភាពស្អុយ និងចង់ក្អួតកើតមានផង។ ចូរចាំថា ត្រូវលាងសម្អាតរាងកាយជានិច្ចដើម្បីចៀសផុតពីការបង្ករោគទាំងមុនពេល និងក្រោយពេលរួមភេទតាមរន្ធគូថ។
មិនត្រូវរួមភេទតាមរន្ធគូថដើម្បីអាចជួយស្តារទំនាក់ទំនងស្នេហាររបស់អ្នកឡើយ។ បើសិនជាដៃគូចេះតែចង់សាកល្បងការរួមភេទប្រភេទនេះ ហើយអ្នកមិនមានផាសុកភាពក្នុងការផ្តល់ឲ្យ មិនត្រូវព្យាយាមធ្វើវាឡើយ។ ចូរចាំថា ចូររួមភេទតាមរន្ធគូថនៅពេលដែលអ្នកពិតជាចង់ និងមិនឲ្យខាងប្រុសដាក់សម្ពាធដល់អ្នកដើម្បីធ្វើវាឡើយ។ មិនត្រូវភ្លេចប្រើទឹករំអិលជំនួយផង។ បើសិនជាអ្នករួមភេទតាមរន្ធគូថដោយមិនមានការប្រើជំនួយពីទឹករំអិលទេនោះ វានឹងបង្កជាការឈឺចាប់ខ្លាំង និងមិនមានផាសុកភាពឡើយ។
កុំប្រើស្រោមអនាម័យដដែលសម្រាប់រួមភេទតាមរន្ធគូថហើយ យកទៅបន្តរួមភេទតាមទ្វារមាសទៀត។ រឿងនេះអាចបណ្តាលឲ្យមានការបង្ករោគក្នុងទ្វារមាសដោយសារតែបាក់តេរីក្នុងរន្ធគូថ។ ចូរអ្នកប្រាកដថា លិង្គរបស់គាត់ស្អាតល្អសិនមុនពេលបន្តរួមភេទតាមទ្វារមាស ក្រោយពីរួមភេទតាមរន្ធគូថរួច។
ការដែលមិនបានប្រើស្រោមអនាម៏យក្នុងពេលរួមភេទតាមរន្ធគូថ អាចបណ្តាលឲ្យឆ្លងជំងឺកាមរោគបាន ដូចជាជំងឺប្រមេះទឹកថ្លា ប្រមេះទឹកបាយ និងជំងឺអេដស៍ជាដើម។ ស្ត្រីដែលសាងកំហុសនេះគឺគិតថា ស្រោមអនាម័យគឺគ្មានប្រយោជន៍ ព្រោះការរួមភេទតាមរន្ធគូថមិនបង្កឲ្យនាងមានផ្ទៃពោះទេ ប៉ុន្តែវានឹងប្រឈមខ្លាំងនឹងជំងឺកាមរោគទៅវិញ៕
